ভাৱৰ কৰণি: উজাগৰী নিশা

Tuesday, 28 May 2013

মনত নতুনকৈ ফুলা গোলাপপাহিক

এটি উজাগৰী নিশাৰ অতি প্রয়োজন ।

কাইঁটীয়া স্বপ্নই

ক্ষতবিক্ষত কৰা ৰাঙলীখিনিক

নতুন সম্ভাৱনীয়তাই নিকা কৰিবলৈ ,

ধূসৰ হোৱা দুচকুত

অলেখ তৰাৰ জিলমিল সপোন সিচিবলৈ

এটি উজাগৰী নিশাৰ অতি প্রয়োজন ।

স্নিগ্ধ জোনাকত তৰাৰ লুকাভাকু,

নতুন নিস্তব্ধত

জান জুৰিৰ কলৰৱ,

দূৰৈত আজন্ম চিনাকী পখীটোৰ

সূমধুৰ কাকলি,

সকলোকেই সাৱটি শোৱা এটি বিমূৰ্ত্ত নিশা ।

তেনে এটি স্বপ্নৰ বাবেও

এটি উজাগৰী নিশাৰ অতি প্রয়োজন ।

বেদব্রত

ভাৱৰ কৰণি